GHA OAN 202

Die Urkunde liegt im Hauptstaatsarchiv München mit der Bezeichnung GHA OAN 202. Es handelt sich um eine Urkunde im Bestand der Mannheimer Urkunden . Die Urkunde stammt aus dem Oberamt Neustadt an der Haardt, Geheimes Hausarchiv (Kurpfalz) im Hauptstaatsarchiv München (Abteilung III).

Urkunde

Wir Wolff vonn Hohennfels1 her zu Reippoltzkirchenn2 bekennenn unnd thun kunt offennbare mitt disem brieffe das wir dem vestenn unnserm liebenn getruwenn Viacus vom Oberstein3 uff synn vlissig annsuchenn bitten unnd begerenn den halbenn teil am dorff Dutwyler4 mit aller unnd yeder oberkeit5 herlicheit6 unnd gerechtigkeit7 nust ußgenomen so er vonn unns unnd unnser herschafft Hohennfels bißher zulehen getragen dem durchluchtigen hochgebornen fursten unnd herren hern Ludwigenn pfaltzgraven by Ryne hertzogenn in Beyern des heiigen Romischen reichs ertzdruchsassenn churfursten unnd vicarienn8 unnserm gnedigstenn herrenn zuverkauffen bewilligt gegunt unnd zugelassen habenn bewilligen gunnenn unnd lassenn im sollichs alse zu in unnd mit krafft dis brieffe mit sollicher geding unnd maße9 das er yetzbestimpter Viacus vom Oberstein an stat desselbigenn halben dorffs Dutwyler zwenntzig guldin jerlicher gultenn zulehen machen unnd von unns unnd unnsern erben zulehen empfahenn unnd tragen solle. Unnd obe es sich über kurtz oder lang unnd wie offt sich das begebe das dieselbigen zwentzig guldin jerlicher gultenn so er egerurter maße10 von unns zulehenn empfanngenn unnd getragen abgeloßt wurdenn so sollennt merbestimpter Viacus vom Oberstein unnd syne erbenn sollich heuptgellt11 zu aller zit mit unnserm unnd unnserer erbenn wissenn willen unnd zulassenn widerumb gewißlichen daran wir in eigenthumbs unnd er Viacus vom Oberstein in lehens wise wethabend12 (?) sigent annlegen unnd wie obstat vonn unns unnd unnsernn erben zulehenn empfahenn unnd tragenn allerding unngevarlichenn. Unnd des zu warem urkund habennt wir unnser sigell arm disenn brieffe lassen hennckenn der gebenn wardt am monntag nach dem sonntag vocem jocunditatis alls man zallt vonn Cristi unnsers liebenn herrenn geburt funffzehenhundert unnd zwentzig jare13.

Regeste

Am Freitag, den 14. Mai 1520 zwei Jahre nach Ausfertigung der Urkunde GHA OAN 200, erlaubte Wolf von Hohenfels und Reipoltskirchen dem Viax von Oberstein, das halbe Dorf, das er von Hohenfels zu Lehen, getragen hat, dem Kurfürsten zu verkaufen.

Kategorien

GHA OAN 202 gehört den Kategorien an: Urkunde

Matzinger sagt: "letzte Überarbeitung der Seite 09.03.2013". Alle Rechte der Seite bei ©Matthias C.S. Dreyer. Der Name dieser Seite lautet: GHA OAN 202. Nutzen Sie zur Zitierung für Ihr Werk folgende vollständige Angabe: https://www.alsterweiler.net/wiki/GHA OAN 202 ©Matthias C.S. Dreyer /abgerufen am 18.04.2026