LA Sp D 21 Nr.96

Urkunde LA Sp D 21 Nr.96

Gebiet:
Zeitraum: 1468 Oktober 02
Grad: Grad ungeprüft
Kategorie:

PDF Lizenz /nicht verfügbar

Merkmal	Eintrag
Nummer	LA Sp D 21 Nr.96
Archiv	Landesarchiv Speyer
Bestand	Fehlt
Best.Verz.	Fehlt
Titel	Heiratsverschreibung der Eltern Hans von Dalheim und Beatrix von Altdorf für die Tochter Margarethe von Dalheim und Herman von Zeutern
Inhalt	Heiratsvertrag
Umfang	1 Seite
Aussteller	Hans von Dalheim
Ausstellungsort	Fehlt
Empfänger	Herman von Zeutern
Siegler	Fehlt
Datum	1468 Oktober 02
Ausstellungsjahr	Unbekannt
Ausstellungstag	Unbekannt
Regest	Ja
Text-Original	Ja
Text-Übertragung	Ja
Weitere Personen	Margarethe von Dalheim · Herman von Zeutern · Kathrin von Winheim · Fehlt
Erwähnung in	Paetsch-Wollschläger, Kunigunde (1996), ’Die Ritter von Altdorf: Ein Beitrag zur pfälzischen Adels- und Dorfgeschichte im Mittelalter’, Kaiserslautern (Hg. Volkskunde, Institut für pfälzische Geschichte und, (Beiträge zur Bevölkerungsgeschichte der Pfalz, Institut für pfälzische Geschichte und Volkskunde, Kaiserslautern, Band/Ausgabe: 4) 304 Seiten. (CMS 518), Seite 143Der für das Attribut „Ist erwähnt in“ des Datentyps Seite angegebene Wert „Paetsch-Wollschläger, Kunigunde (1996), ’Die Ritter von Altdorf: Ein Beitrag zur pfälzischen Adels- und Dorfgeschichte im Mittelalter’, Kaiserslautern (Hg. Volkskunde, Institut für pfälzische Geschichte und, (Beiträge zur Bevölkerungsgeschichte der Pfalz, Institut für pfälzische Geschichte und Volkskunde, Kaiserslautern, Band/Ausgabe: 4) 304 Seiten. (CMS 518), Seite 143“ enthält ungültige Zeichen oder ist unvollständig. Er kann deshalb während einer Abfrage oder bei einer Annotation unerwartete Ergebnisse verursachen.
CMS	334
Zitat	Zitat fehlt
Schlagwort	Heirat
Sammlung	Urkunde

Die Vorlage hat ausgefüllt: /2017-02-04

Die Urkunde trägt den Titel: Heiratsverschreibung der Eltern Hans von Dalheim und Beatrix von Altdorf für die Tochter Margarethe von Dalheim und Herman von Zeutern.

Übertragung

Matthias C.S. Dreyer /02. Februar 2017 – Korrektur Johannes Weingart /03. Februar 2017.

Ich Hans von Dalheym Diehterß seligen sun und ich Beatrix von Altdorff sin eliche hußfrowe verliehen und bekennen offenlichen mit dissem brieffe fur

uns und alle unßer erben und noch komen und menglichs von unßernt wegen und wen das beruren moecht nieman ußgenomen das wir geben und ge

geben habent wie das an allen enden und stetten aller bast krafft hat haben sol und mag sol ouch solche krafft haben und han also hetten wir es getan vor ge

riecht es wer geystlich oder weltlich und wie das sin solt in dem rehtten dar an das gnueg wer unßer lieben dohtter Margareten von Dalheym zuo unßerm lieben

dohtterman Herrman von Zuttern dem eltern zuo rehtter heimstur und zuegelt mit namen funffhundert guldin etc. und fur solche funff hundert guldin alß obgeschri

ben statt haben wir inen geben samenthafft und by gesundem libe und gutter ver nunfft und wol moegent do wir solchs wol maht gehabt haben zuetuen diß hernach

geschriben gutter. Item zuo dem ersten den hoff zu Diedeßheym zu Nyderkyrch gelegen mit allen sinen rehtten zugehorden nuczen renten gefellen und gultten und zin

sen nust nit ußgenomen mit ackern und wißen als wir den von unser lieben swiger und muotter bitz her ingehabt und genutz haben auch in heimstur wise etc.

Item den halben hoff zu Kilwiler ouch mit allen sinen rehtten gultten zinßen und mit allen gefellen nust ußgenomen ecker und wißen huß und hoff schwer(???) und

stell gartten und anders zue dem halben hoff gehorig und wie in unßer swiger und muotter genoßen hat den halben hoff beruren etc. und wie das die tey

lungs zedel in haltt alß das unser liebe swiger und muotter by gesundem libe geteylt hatt zwuschen uns und unßer lieben geswien und swester Mar

gareten von Altdorff Peter Liethensteinß von Buhel selige witwe und unß wie wol es ist das unß der obgnant hoff zu Kylwiler noch nit gefallen ist

hat unß doch unßer liebe swyger und muotter die fruntschafft getan und unß gegundet solchen obgeschriben hoff zue heimstur zu geben unßer lieben dohtter

und dohtterman obgenant etc. Her umb so versprechen wir zwey gemecht mit nammen Hans von Dalheim Beatrix von Altdorff fur unß und alle uns

er erben und noch komen und wen das beruren moecht by gutten truwen und rehtten worheit unser dohtter und dohtterman und ir erben furbas an solchen

guttern alß die obgeschriben stant und wie die gelegen sindt ungeirt und unbekumert zu laßen und moegen die furbasser versetzen verkouffen verwenden wie sie getruwen in aller nuczest sin moeg ungeirt unser unsere erben und menglichs von unßernt wegen alles ungeverlich. Item es sol ouch Herman von Zut

tern der eltern unser dohtter Margarete sin elich hußfrowe uff solche gutter verwidemen und verwisen und ob es wer das er sie verkoufft oder ver

kouffen wurde uber kurtz oder lang sie geltten vil oder lutzel sol das selb gelt ir angelegt werden und alle wegen unßer dochter obgenant ir widem

bliben und sin. Da wider sol Herman obgenant unser dohtter geben zuo einem widemen sehßhundert guldin und hundert guldin zuo morgen gab und

das alles sol er sie versorgen in widemeß wise nach lants gewondheit und reht nach dem allerbesten in allen obgeschriben puncten und artickeln gever

de und argenlist gentzlich uß gescheiden. Des zu warem urkunde han ich Hans von Dalheim und ich Beatrix sin eliche hußfrowe bede obgenant unser ieg

lichs sin eygel insigel gehangen an disen brieff uns obgeschribenen ding zu besage. Und ich Katherin von Winheim Heinrichs von Altdorff [den man nan]

Broetel witwe beken mich in disem brieff fur mich und myn erben das ich solchen mynen hoff zu Kilwiler den halben wie obgeschriben stat gegunden

han und gun minem lieben dohtterman Hansen von Dalheym und Beatrix von Altdorff siner elichen hußfrowen mine liebe dohtter umb bet willen mir

getan und han mir doch behaltten her in myn nieß und nuczung zinß und gult uff dem obgenanten hoff und guttern mynen leptagen ob ich wil und des

zuo warem urkunde und rehtter sicherheit hab ich Katherin von Winheim witwe etc. myn eige ingesigel ouch gehangen an dissen brieff mich obge

schriben ding zuo besagen alle geuerde her in ußgescheiden. Der geben ist uff mentag noch sant Michels tag in dem jar alß man zalt vierhun

ert sechtzig und acht jar.

Auf der Rückseite vermerkt 1468 Okt. 2 K. Kreisarchiv der Pfalz in Speyer Speier Domstift No. 96

Handschriftliche Zusätze: N. et K. Kirrweiller und Niderkirch güther betreffend